Wani matashi dan kunar bakin wake ya tayar da bam a wani masallaci dake garin Mubi, jihar Adamawa a safiyar yau - Al’amarin ya afku ne da misalign karfe 5:20 na asuba, bayan sallar asuba; an rahoto cewa mutane 30 sun rasa rayukansu - Kakakin yan sandan jihar Adamawa ya tabbatar da al’amarin inda ya bayyana cewa wadanda suka ji rauni na asibitoci daban-daban inda suke karban kulawa Wani tashin bam ya afku a wani Masallaci dake garin Mubi, jihar Adamawa, a safiyar yau, Litinin, 21 ga watan Nuwamba, jaridar Punch ta ruwaito. An rahoto cewa al’amarin ya afku ne a Kunu Araha, wani yanki na Arewacin Mubi, da misalin karfe 5:20 na safe.
Majiyarmu ta tattaro cewa akalla sama da mutane 30 ne suka rasa rayukansu a bam din da matashi dan kunar bakin wake ya tayar.
