Saudiyya za ta je Rasha a badi domin cin kofin Duniya - Saudi da Kasar Koriya za su buga wasan World Cup - Kasar Syria tana daf da samun wuri a Gasar na badi Kawo shekara mai zuwa Kasar Saudi Arabia za ta buga Gasar nan na wasan World Cup na Kasashen Duniya. Kasar Saudi ta isa Gasar cin kofin Duniya da za a buga a can kasar Rasha a shekara mai zuwa. Haka ma kasar Koriya ta kudu tana cikin wadanda za su samu zuwa Gasar a badi. Saudi da Koriya sun bi sahun su kasar Japan da Iran a Nahiyar.
Ana sa rai idan abubuwa sun yi daidai Kasar Syria ta samu zuwa Gasar bayan an hada ta gwabzawa da kasar Australia. Kasar ta Syria da ke ta fama da yaki za ta kafa tarihi idan har ta samu zuwa Gasar cin kofin na Duniya da za ayi a kakar shekarar 2018. Idan za ku tuna Kasar Saudi dai ta sha mugun kashi a hannun Jamus a Gasar da aka buga a shekarar 2002 da ci ha 8 da nema.
